Pokolj
Ži akana, ni institucije e serbikane narodoske, ni o naučno thaj profesionalno jekhipe, thaj vi maj cera e širder serbikani zajednica, na resle dži jekh akordime termino andar o zločino genocidosko savo sas kerdo mamuj e pravoslavno Serbenge katar e Nezavisno Država Hrvatska (Nezavisna Država Hrvatska - NDH).
Kadaleske so o genocido mamuj e Židovurenge si pe sa o sveto pinžardo sar Holokaust (vaj Šoa), thaj o genocido mamuj e Rromenge si but dženenđe pinžardo sar Porajmos vaj Pharrajimos (“o xabipe” vaj “mudaripen”), o genocido mamuj o serbikano narodo na sas dži akanak jekh pinžardo thaj terminološki-ekskluzivno alav.
Motivime katar akala činjenice thaj katar e želja te sikavol pes e baripe akale istorikane faktesko, o saboro e Udruženjesko Jadovno 1941 ande Banja Luka odlučisardas kaj o zločino genocidosko, kerdo mamuj e pravoslavno Serbenge za e Dujto svetsko mariben katar e Nezavisno Država Hrvatska, trubul te avel pinžardo sar
Kadalesa, lijem pes odluka kaj akava termino ka koristil pes ande sa maj dur likhade, vakarde thaj aver forme komunikacijake.
Odlučisardas pes kaj e definicija akale terminoski te avel sar palal:
Pokolj (Po-ko-/lj/) si termino vaš o sistematsko državno zločino genocidosko kerdo mamuj e pravoslavno Serbenge za e Dujto svetsko mariben katar e Nezavisno Država Hrvatska pe sa laki teritorija.
O Pokolj (Po-ko-/lj/) astardas maj but katar jekh milion Serburen, kon angle 1941 živisarde pe thanura save sas uključime ande teritorija e Nezavisno Država Hrvatska.
Prekal zakonske uredbe dine direktno katar o Poglavnik (o najbaro šero e NDH), e državne ministerstva thaj o Glavno ustaško štábo (GUS), sa organura izvršno thaj sudsko vlasti ande Nezavisno Država Hrvatska sas uključime ando Pokolj. E zločinura mamuj e Serbenge uključisarde ekonomsko teroro thaj konfiskacija lengere imovinaske; policijsko časo thaj getoizacija; organizacija thaj sprovođenje individualne, grupne vaj masovne mudaripena; deportacija ande koncentracione logorura; prisilno prelazipe pe katoličko vera; thaj iseljavanje pe teritorija okupime Serbijake.
Banja Luka, 24. jun 2018
info@pokolj.org